नेपालपत्र संवाददाता
विप्रेषण आप्रवाह १९.८ प्रतिशतले वृद्धि भई रु.१०८२ अर्ब ६२ करोड पुगेको छ । अघिल्लो वर्षको सोही अवधिमा विप्रेषण आप्रवाह २४.२ प्रतिशतले बढेको थियो । अमेरिकी डलरमा विप्रेषण आप्रवाह १७.७ प्रतिशतले वृद्धि भई ८ अर्ब १५ करोड पुगेको छ । अघिल्लो वर्ष यस्तो आप्रवाह १३.९ प्रतिशतले बढेको थियो ।
नेपाल राष्ट्र बैंकद्वारा सार्वजनिक आर्थिक तथा वित्तीय विवरण अनुसार त्यस अविधिमा वैदेशिक रोजगारीका लागि संस्थागत र व्यक्तिगत अन्तिम श्रम स्वीकृति लिने नेपाली नागरिकको संख्या ३, २९,४२२ र पुनः श्रम स्वीकृति लिनेको संख्या २१२,७२१ रहेको छ । अघिल्लो वर्षको सोही अवधिमा अन्तिम श्रम स्वीकृति लिने संख्या संस्थागततर्फ ३,८७,८३९ र व्यक्तिगततर्फ २,१७,९५९ रहेको थियो ।
