नेपालपत्र संवाददाता
काठमाडौ। आज चीनको उत्तरपश्चिमी गान्सु र छिङहाइ प्रान्तमा ६.२ म्याग्निच्युडको भूकम्प गएकाे र त्यसमा परेर १०० जनाभन्दा बढीको मृत्यु र २०० बढी घाइते भएको चीनी समाचार माध्यम सिन्हाले जनाएको छ ।
चीनका राष्ट्रपति शी जिनपिङ्गले सम्पूर्णरूपमा उद्धार राहतमा लाग्न सबैमा अपिल गरेका छन् ।
सिन्ह्वाका अनुसार गान्सुको जिशिशान काउन्टीमा गएको शक्तिशाली भूकम्पका कारण गान्सुमा १०० र छिन्घाइमा ११ जनाकाे मृत्यु भएकाे छ भने १२४ जनाभन्दा बढी घाइते भएका छन् ।
गएकाे सोमबार राति ११ बजेर ५९ मिनेटमा १० किलोमिटर गहिराइमा भूकम्प गएको युएसजीएसले जनाएको छ । प्रारम्भिक रूपमा ६ म्याग्निच्युडको भूकम्प गएको देखाइएको छ ।
भूकम्पका कारण केही भागमा विद्युत र खानेपानी आपूर्ति पनि अवरुद्ध भएको समाचारमा उल्लेख छ।
उद्धार कार्य जारी रहेको समाचारमा उल्लेख छ । केन्द्र सरकारले स्थानीय आपतकालीन कर्मचारीहरूलाई सहयोग गर्न उद्धारकर्मीहरूको टोली पठाएको समाचारमा जनाइएकाे छ।
