aविक्रमादित्य राजा नेपालको प्रचलित वंशावलीमा पनि छन ! पशुपति महात्म्यमा – ” अथ सूर्यवंश प्रभावोन्नेपाले किराँत राजन निर्जित्यलिच्छवि वंश प्रवर्तते ” अर्थात् सूर्यवंशी लिच्छविको प्रभावले किराँत राजालाई जिती लिच्छवि वंश सुरू भएपछि लिच्छवि वंशका पहिलाराजालाई धर्मपाल, भूमिबर्मा, विक्रमादित्य आदि भनिएको र तिनकै शासनकालदेखिनै नेपालमा विक्रम संवत् सुरू भएको बताइएको छ ! पुरातत्व विभागको प्रकाशन, श्री नयनाथ पौड्यालको सम्पादनमा निकालिएको भाषा वंशावलीले लिच्छवी राजा धर्मागतकोशासनकालमा उनको नामले राजप्रासादको दक्षिणतर्फ चतुर्मुख नारायण स्थापित गरी जोडी धारा ( हालको नारायणहिटी ) बनाएको र त्यसैबेलादेखि विक्रम संवत् नेपालमा प्रचलनमा ल्याएको उल्लेखित छ भने विक्रमादित्य राजाले राज्य गरेको ऐतिहासिक ठाउँ भनि साँखुबज्रयोगिनीको मन्दिर परिसरको केही माथि विक्रमादित्य राजाको टाउकाको पूजा युगौंदेखि बज्राचार्य वंशका पुजारीले गरी आएकोदेखिन्छ ! यिनै राजाले नेपाललाई विस्तार गर्दै काशी सम्म पुर्याएका र काशीमा विश्वनाथको मन्दिर स्थापना गरेका थिए भन्ने कुरा स्कन्दपुराणको हिमवत्खण्डमा समेत उल्लेख छ ! योगी नरहरिनाथले समेत “श्री वीर पालःनृपतिःततः अभूत तस्मात अभूत विक्रमपाल भूपः”भन्नेउल्लेख गर्दै देवमाला वंशावलीमा कुनै चक्रवर्ती राजा विक्रमादित्यको बत्तीसपुतली राम मन्दिर भएको ठाउँमा सिंहासन भेटिएको र त्योसिंहासनमा बत्तीसवटा पुतली थिए र त्यही भेटिएको स्थानलाई नै आज बत्तिसपुतली भनिएको हो भनेर उल्लेख गरेकाछन ! यीविक्रमादित्य नै लिच्छवि राजा भूमीवर्मा भएको र यीनको राजधानी विशालनगरमा भएको एतिहाँसिक तथ्य छ ! त्यस्तै भाषा वंशावलीलेविक्रमादित्य राजाले बज्रयोगिनीवाट पारसमणि सहित आशिर्वाद प्राप्त गरी नारायणहिटी स्थापित गरेको उल्लेख दीर्घराज प्रसाईंले“विक्रम सम्बतको इतिहास” मा स्पष्ट पार्नु भएको छ भने उत्तर भारतबाट प्रकाशित हुने पात्रोहरुले ( हेर्नुहोस महावीर पान्चांग ) यससम्बतलाई नेपाल सम्बत भनेर नामाकरण गरेको देखिएकोले यो सम्बत नेपालको मौलिक सम्बत भएको मान्नै पर्छ !