नेपाल जग्गा तथा आवास विकास महासंघको टोलीले नेपाल बैंकर्स संघ ९एनबीए० सँग छलफल गरेको छ । सरकारले घरजग्गाको कारोबारमा लचिलो नीति लिएको अवस्थामा कर्जा सहजीकरणका लागि आग्रह गरिएको महासंघका अध्यक्ष भेषराज लोहनीले जानकारी दिए ।महासंघको टोलीले एनबीए अध्यक्ष सुनिल केसीसहितका बैंकरहरुसँग छलफल गरेको हो ।
घर–जग्गाको कारोबारलाई प्रोत्साहन गर्न आग्रह गरेको महासंघका महासचिव विष्णुप्रसाद घिमिरेले उल्लेख गरे । घरजग्गा धितो राखेर पाइने ऋणको अनुपात बढाउने, फेयर मार्केट भ्यालु निकाल्न एउटै सुत्र बनाउने, बैंकहरुले आधार दरमा धेरै मार्जिन राख्न नहुने विषयमा छलफल थियो । लोन टु भ्यालु रेसियो ७० प्रतिशत पुर्याउन बैंकर र व्यवसायी मिलेर साझा एजेण्डा बनाई राष्ट्र बैंकसँग आवश्यक छलफल गर्ने समझदारी समेत बनेको बताइएको छ ।
