मुस्लिम धर्मावलम्बीहरुको महत्वपूर्ण पर्व बकर इदका दिन असार १४ गते नेपाल सरकारले सार्वजनिक बिदा दिने निर्णय गरेको छ ।
गृहमन्त्रालयको तर्फबाट सहसचिव तथाा प्रबक्ता केदारनाथ शर्माले एक सार्बजनिक सूचना जारी गर्दै यो जानकारी गराएका हुन् ।
इद ऊल अजाह अर्थात बकरिदका दिन नेपाली मुस्लिम समुदायको पनि महान पर्व हो । ईद ऊल फित्रको ७०औं दिनमा याे पर्व मनाइन प्रचलन रहेकाे छ ।
यस दिन मुस्लिम समुदायका सदस्यहरुले बिहानै स्नान गर्ने अनि दिनमा नामाज पढ्ने र आफन्तहरुलाई सुस्वास्थ्य, सुख तथा शान्तिको कामना गर्दै परपस्परमा शुभकामनाको आदान प्रदान गर्ने गर्दछन् ।
