सरकारले मिटरव्याज पीडितहरूका समस्या समाधानका लागि छलफल गर्न वार्ता टोली गठन गरेको छ । पीडितहरूसँग छलफल गर्न गृह मन्त्रालयका सहसचिव रुद्रदेवी शर्माको संयोजकत्वमा वार्ता टोली गठन गरेको हो ।
उक्त समस्या समाधानका लागि कानुनी जटिलता रहेको भन्दै कानुनी जटिलता फुकाउन संसदमा विधेयक दर्ता गर्ने तयारीसमेत गरिएको छ। मन्त्रिपरिषद्को बैठकले निर्णय गरेर विधेयक सदनमा प्रस्तुत गरिने जनाइएको छ ।
वार्ता टोलीका अन्य सदस्यमा उपसचिव दिलकुमार तामाङ, प्रधानमन्त्री कार्यालयका उपसचिव उमाकान्त अधिकारी र कानुन मन्त्रालयका उपसचिव जंगा बहादुर दंगाल रहेका छन्। टोलीले आन्दोलनरत मिटरब्याज पीडितहरूसँग प्रत्यक्ष भेटेर छलफल गर्ने र सोबारेमा प्रधानमन्त्रीलाई जानकारी गराउनेछ ।
