नेपाल राष्ट्र बैंकले ५० करोड रुपैयाँको वैदेशिक रोजगार बचतपत्र बिक्री खुला गर्ने भएको छ। राष्ट्र बैंकले ५ वर्षका लागि वैदेशिक रोजगार बचतपत्र २०८४ ‘क’ बिक्री गर्ने भएको हो । जसको ब्याजदर१२.५० प्रतिशत तोकेको छ । फागुन १४ गतेदेखि चैत ३ गतेसम्म बिक्री खुला हुने उक्त ऋणपत्र चैत १० गते निष्काशन गर्नेछ भने २०८४ चैत १० गते साँवा भुक्तानी गर्नेछ ।
उक्त बचतपत्रमा घटीमा १० हजार रुपैयाँ र बढीमा कूल आह्वान रकमको सीमामा नबढाई १० हजार रुपैयाँले भाग गर्दा निःशेष भाग जाने अंकमा खरिद गर्नको लागि आवेदन दिन सकिन्छ । बचतपत्रमा वैदेशिक रोजगारीमा रहेका अथवा विदेशमा रोजगारी गरेर फर्केर ६ महिना नपुगेका नेपाली नागरिक, गैर आवासीय नेपालीले आफ्नो परिवारको नाममा खरिद गर्न सक्नेछन् ।
