काठमाडौं । आज नेपालका लागि नव नियुक्त चिनीयाँ राजदूत चेन सोङ्ग काठमाडौं आइपुग्नु भएकाे छ ।
उहाँले त्रिभुवन अन्तर्राष्ट्रिय विमानस्थलमा आज बिहान पत्रकार सम्मेलन गर्दै नेपालको बिाकस , समृद्धि र चीरस्थायी मित्रतामा योगदान दिने बताउनु भयो । उहाँले नेपाल र चीनबीचको सदियौं पुरानो सम्बन्धलाई अझ उचाइमा पुर्याउन भूमिका खेल्ने पनि प्रष्ट पार्नु भयो । चेन सोङ्ग नेपालका लागि २२ औं चिनियाँ राजदूत हुनुहुन्छ ।
यसअघिकी राजदूत होउ याञ्छी कार्यकाल पूरा गरी स्वदेश फर्किएपछि चीनले चेनलाई नयाँ राजदूतको रुपमा नियुक्त गरेको हो ।
नेपाल मामिलामा परिचित रहँदै आउनु भएका राजदूत चेन सोङ्गले चीन र नेपाल सरकारबीच भएका महत्वपूर्ण सहमतिलाई कार्यान्वयन गर्दै दुइ क्षीय सम्बन्धलाई अझ प्रगाढ बनाउन भूमिका खेल्ने बताउनुभयाे ।
नेपाल - चीन सम्बन्ध अझ कसिलो र मैत्रीपूर्ण बनाउन आफूले योगदान दिने उहाँकाे धारणा पाइएको छ ।
