नेपाल लाइफ इन्स्योरेन्स कम्पनीको १५.७८९५ प्रतिशत नगद लाभांश दिने पारित भएको छ । बिहीबार सम्पन्न कम्पनीको २२औं वार्षिक साधारणसभाले सञ्चालक समितिद्वारा प्रस्तुत प्रस्ताव पारित गरेको हो । कम्पनीले आर्थिक वर्ष २०७७।७८ को नाफाबाट चुक्ता पुँजीको १५.७८९५ प्रतिशत नगद लाभांश वितरण गर्ने भएको हो ।
कम्पनीले साधारण सभा तथा लाभांश प्रयोजनको लागि कार्त्तिक १८ गते बुक क्लोज गरेको थियो । यससँगै कार्त्तिक १७ गतेसम्म कायम सेयरधनीहरुले मात्रै सो मात्राको नगद लाभांश पाउने छन् ।
त्यसैगरी, सभाले आर्थिक वर्ष २०७७।७८ को वार्षिक प्रतिवेदन उपर छलफल गरी पारित गरेको छ । साथै, आव २०७८।७९ को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि सभाले पारित गरेको छ ।
