चिनीयाँ कम्युनिष्ट पार्टीका महासचिव शी चिनफिङले अक्टोबर ३१ तारिख दिन ग्रेट हल अफ द पिपुलमा चीन भ्रमणमा रहनुभएका भियतनाम कम्युनिष्ट पार्टीका महासचिव नुएन फू ट्रोङसँग भेटवार्ता गर्नुभएको छ। दुबै पक्षका बीच सहमति भएका १६ बूँदे नीतिनियमलाई पालन गर्दै आपसी परम्परागत मित्रतालाई सबल र प्रगाढ बनाउने कुरामा दुवै नेताले जोड दिनु भएको छ।
आपसी आदानप्रदानलाई अझ बढाउँदै र राजनीतिक विश्वासलाई बलियो बनाउँदै नयाँ युगमा चीन र भियतनामबीचको चौतर्फी रणनीतिक सहयोगात्मक साझेदारी सम्बन्धलाई नयाँ उचाइमा पुर्याउने प्रयास गर्नुपर्ने शी चिनफिङले बताउनुभयो।
भियतनाम कम्युनिष्ट पार्टीको १३ औँ महाधिवेशनपछि कम्युनिष्ट पार्टीको नेतृत्वमा जनताले धेरै उपलब्धि पाएका छन्। दुबै मुलुकका कम्युनिष्ट पार्टीले आ-आफ्ना राष्ट्रिय अवस्थामा आधारित भई सफलताका साथ आफ्नो विकासमार्ग खोजेका छन्।
साभार -सीआरआई
