नेपालका एक प्रख्यात संस्कृतिबिद तथा शताब्दी पुरूष सत्यमोहन जोशीको आइतबार बिहान निधन भयाे। उहाँको १०३ वर्षको उमेरमा ललितपुरस्थित किष्ट अस्पतालमा निधन भएको हाे ।
यस अघि उक्त अस्पतालले उहाँकाे स्वास्थ्यमा सुधार हुन नसकेकाे जानाकारी सार्बजनिक गरेकाे थियाे ।
जोशीको स्वास्थ्यमा समस्या देखिएपछि असोज ७ गते ललितपुरको ग्वार्कोस्थित किष्ट मेडिकल कलेज तथा शिक्षण अस्पतालको इमर्जेन्सी (आकस्मिक कक्ष) मा भर्ना गरिएको थियो । त्यही समयमा रगतको जाँच गर्दा उहाँलाई डेंगु पुष्टि भएको थियो । एक सातादेखि नै छातीमा निमोनिया सङ्क्रमण, मुटुको चालमा घटबढ भइरहेका जोशीलाई जति औषधि चलाए पनि शरीरले रेस्पोन्स नगरेको चिकित्सकले बताएका थिए ।
