बृटेनको प्रधानमन्ंत्री पदको प्रतिस्पर्ध्दामा   विदेश मन्त्री रहेकी लिज ट्रसले भारतीय मूलका ऋषि सुनकालाई पछारेर सत्ताको बागडोर सम्हाल्न सफल भएकी छन् । मार्गरेट थेचर र थेरेसा मे पछि १० डाउनिंग स्ट्रीटमा शीर्ष पद लिन पुगेकी लिज ट्रस तेश्रो महिला प्रधानमंन्त्री हुन् ।  यी तीनैजना महिला प्रधानमन्त्रीहरू सबै कञ्जरभेटिभ पार्टीका हुन् । पूर्ब प्रधानमन्त्री बोरिस जोन्सनलाई कोरोना कालमा लागेको प्रतिबन्धलाई उलंघन गरेको दोषी पाइएको  कारणले गत जुलाईमा उनले प्रधानमन्त्री पदबाट राजीनामा दिनु परेको थियो । 
बृटेनको संसदीय इतिहासमा जुन परिस्थितिमा लिज ट्रस्टलाई प्रधानमन्त्री पदको जिम्मेवारी प्राप्त भएको छ त्यसलाई काँडै काँडाले भरिएको कठिनाई र चूनौतिपूर्ण रहेको उल्लेख गरिदैछ । कोरोना महामारी पछि यूक्रेन–रुस युद्धका कारण बृटेनको अर्थब्यस्थामा गहिरो संकट उत्पन्न भएको छ । यो युद्धले गर्दा यूक्रेनलाई निकै हौसिएर सैनिक सहयोग गर्ने र आर्थिक सहायत दिने जस्ता कार्यले गर्दा उत्पन्न समस्यालाई बृटेन सरकाकरले आफ्नो घरेलु मोर्चाका चूनौति र असफलताहरु ढाकछोप गर्न सक्कने स्थिति रहेको छैन । ऊर्जाको मूल्यमा अत्याधिक  बृद्धिले आम जन साधारणमा ठूलो बोझ परिरहेको छ । मुद्रास्फिति पनि त्यहाँ १३ प्रतिशतले बृद्धि भएको छ । मानिसहरुको आयमा गिरावट आएको छ ।
यी सारा समस्याहरुको सामना कञ्जरभेटि पार्टीको स्वतन्त्र बजार र कर कटौति जस्ता पारम्परिक उपायले मात्र गर्न सकिने बताइदैछ । अब आउदो समयले नै बताउला कि यी तमाम समस्याहरुको सामना गर्नका लागि नब नियुक्त प्रधानमन्त्री ट्रसले कस्तो योजना बनाउने र लागु गर्ने हुन् ।
यद्यपि उनले निर्बाचित हुने बित्तिकै के भनेकी छन् भने उनीसँग करहरुमा कटौति र देशको अर्थब्यस्थालाई बढावा दिनका एक बिशेष साहासिक योजना छ । उनलाई घरेलु मोर्चामा रहेको आर्थिक चूनोतिका अतिरिक्त पूर्ब प्रधानमन्त्री जोन्सनको बिबादास्पद बिरासतको बोझ पनि छ ।