महान लेनिनले सर्बहारा बर्गको क्रान्तिद्वारा स्थापना गरेको र स्तालिनले हुर्काएको बिश्वका श्रमजीवी जनताको शक्तिशाली र प्रेरणादायी समाजबादी सोभियत संघलाई अन्तिमरुपमा अन्तर्ध्वंश र ध्वस्त गर्ने रुसी नेता मिखाइल गोर्भाचोभको ९१ बर्षको उमेरमा अस्पतालमा निधन भएको खबर छ । उनले निकिता ख्रुश्चेभले शुरु गरेको गैर माक्र्सबादी संशोधनबादी बाटोलाई उत्कर्षमा पुर्याएरको र कथित शीत युद्धको अन्त्य गरेकोमा पश्चिमा पूँजीवादी शक्तिहरुले खुशीको डंका पिटेका थिए र इतिहासको अन्त्य भएको, पूँजीवाद साश्वत रहेको तथा सिद्धान्त सकिएको घोषणा गरेर गोर्भाचेबको बिश्वब्यापी प्रसंशा गरेका थिए ।
अर्कोतिर श्रमजीवी जनताका प्रबक्ता र प्रयोक्ताहरुले भने माक्सबादी–लेनिनबादी सिद्धान्त र ब्यवहारलाई बद्लिदो राष्ट्रिय अन्तर्राष्ट्रिय भौतिक परिस्थतिको परिप्रेक्षमा शतत नबीकरण र तादाम्यता मिलाउने काम गरिरहने मार्ग अबलम्बन नगरिदा यसमा बिकृति र बिसंगति आउने र बिश्वका श्रबजीबी बर्ग र मानब जातिको मुक्तिको सपना साकार पार्नमा गतिरोध पैदा हुने शिक्षा लिदै अघि बढ्नु पर्ने आजको युगको माग हुन गएको कुरा औंल्याएका थिए ।
