भारतीय आयल कर्पोरेसन(आईओसी) ले पेट्रोल र डिजेलको मूल्य घटाएर नयाँ सूची पठाएको छ । आईओसीले आज पठाएको नयाँ मूल्य सूचीमा डिजेल प्रतिलिटर १६ रुपैयाँ ८० पैसा र पेट्रोल प्रतिलिटर १२ रुपैयाँ ४५ पैसा घटेर आएको निगमले जनाएको छ । भारतबाट मूल्य घटेर आए पनि नेपाल आयल निगमले पेट्रोलियम पदार्थको मूल्य समायोजन गर्ने योजना बनाएको छैन् । यसअघि मूल्य घटेर आउँदा पनि निगमले पेट्रोल, डिजेल र मट्टीतेलमा घाटा नै रहेको जनाउँदै मूल्य समायोजन गरेको थिएन।
यसअघि भारतीय आयल कर्पोरेसनले डिजेल प्रतिलिटर १६ रुपैयाँ ५६ पैसा र पेट्रोल प्रतिलिटर १५ रुपैयाँ ७६ पैसा घटाएर नयाँ सूची पठाएको थियो । हाल अन्तर्राष्ट्रिय बजारमा कच्चा तेलको मूल्य ओरालो लाग्नेने क्रम जारी रहेसँगै यो भाउ अझै घट्ने अनुमान छ । अहिले अन्तर्राष्ट्रिय बजारमा कच्चा तेलको मूल्य प्रतिब्यारेल १०३ डलर हाराहारीमा छ ।
