मुलुकमा दिनप्रतिदिन भ्रष्टचार बढ्दो छ । अख्तियार दुरुपयोग अनुसन्धान आयोगमाआर्थिक वर्ष २०७८/७९ मा २४ हजारभन्दा बढी भ्रष्टाचार सम्बन्धी उजुरी परेका छन् । सो अवधिमा कूल २४ हजार २४१ वटा उजुरी परेको आयोगले जनाएको छ ।
आर्थिक वर्ष २०७८/७९ मा आयोगमा विभिन्न माध्यमबाट १६ हजार १४८ र अघिल्लो आर्थिक वर्ष २०७७/७८ बाट जिम्मेवारी सरेर आएका ८ हजार ९३ गरी कुल २४ हजार २४१ उजुरी परेका हुन् । ‘कुल २४ हजार २४१ उजुरीहरु रहेको मध्ये १७ हजार ९८ उजुरी पछर्यौट गरिएका छन् ।अघिल्लो आर्थिक वर्ष २०७७/७८ मा भन्दा गत आर्थिक वर्ष २०७८/७९ मा १ हजार ६१६ उजुरी बढी परेका छन् ।
गत आर्थिक वर्ष अख्यितारमा भ्रष्टाचार सम्बन्धी कुल २२ हजार ६२५ वटा उजुरी परेका थिए । आर्थिक वर्ष २०७७/७८ मा परेका कुल उजुरीमध्ये १४ हजार ५३२ वटा उजुरी पछर्यौट भएका थिए । आयोगका अनुसार गत आबमा १३१ मुद्दा विशेष अदालतमा दायर भएका थिए । यस आर्थिक बर्षमा अदालतबाट प्राप्त १४८ फैसला मध्ये ५८ मुद्दा भ्रष्टचारजन्य कायम भएको थियो । गत आवमा अदालतबाट ११३ मुद्दा फैसला भएको र भ्रष्टाचारजन्य कसुर कायम भएको मुद्दा ८१ रहेको आयोगले प्रकाशित गरेको सूचनामा उलेख छ ।
