भन्सार विभागका अनुसार चालु आबको ११ महिनामा कुल आयात १७ खर्ब ६३ अर्ब रुपैयाँ पुगेको छ। यो आयात गत बर्षको तुलनामा साढे २७ प्रतिशत बढी रहेको विभागले जनाएको छ । यो वर्ष सबैभन्दा धेरै एक खर्ब ४५ अर्बको डिजल , ६२ अर्ब ९१ करोडको पेट्रोल र ६९ अर्ब १६ करोडको ग्यास आयात भएको छ।
यसैगरी, सुन २६ अर्ब बराबरको आयात भएको छ। आयात धेरै हुने अन्य वस्तुहरुमा पाम, सन्फ्लावर र सोयाबिन तेल रहेका छन्। यस्तै, निर्यात हुने धेरै वस्तुहरुमा पनि पाम, सोयाबिन, सनफ्लावर तेल अगाडि छन् भने यसपछि अलैंची र विविध किसिमका धागो रहेका छन्। नेपालबाट चालु वर्षको ११ महिनामा एक खर्ब ८५ अर्ब रुपैयाँ बराबरको वस्तु निर्यात् भएको विभागको तथ्यांकले देखाएको छ।
