बुडोल सामुदायिक सहकारी संस्थाले २०८औँ भानु जयन्तीको अवसर पारेर आज पुरस्कार वितरण कार्यक्रम सम्पन्न गरेको छ । ६४औँ राष्ट्रिय सहकारी दिवसको अवसरमा संस्थाको शिक्षा तथा प्रकाशन उपसमितिको आयोजनामा सम्पन्न निबन्ध तथा कविता प्रतियोगिताको पुरस्कार वितरण गरिएको हो ।
कोभिड–१९ का कारण निर्धारित समयमा सम्पन्न हुन नसकेको कार्यक्रम सुरक्षाका मापदण्डहरु पालना गर्दै आज आयोजना गरिएको हो ।
संस्थाका अध्यक्ष कैलाश के।सी।को सभापतित्वमा सम्पन्न कार्यक्रममा “आर्थिक, सामाजिक र साँस्कृतिक विकासमा सहकारीको भूमिका” विषयक निबन्ध प्रतियोगिताका विजयीहरु एवं “सहकारीको बचत” विषयक कविता प्रतियोगिताका विजेताहरुलाई नगद पुरस्कार एवं प्रमाणपत्र सहित पुरस्कृत गरिएको थियो । प्रतियोगितामा देहाय बमोजिमका भाईबहिनीहरुले देहायबमोजिमका पुरस्कार प्राप्त गर्नुभएको हो ।
निवन्ध प्रतियोगितातर्फ काभ्रे मा।वि। बनेपा–६, बुडोलकी जमुना रञ्जितकारले प्रथम पुरस्कार नगद ५ हजार, श्वेतवराह मा।वि, बनेपा–२, नालाका प्रवास घिमिरेले द्वीतीय पुरस्कार ४ हजार, चैतन्य मा।वि।, बनेपा–८ का विष्णु श्रेष्ठले तृतीय रु। ३ हजार र चैतन्य मावि, बनेपा–८ का विमली तामाङ्गले सान्त्वना पुरस्कार २ हजार प्राप्त गरे ।
त्यसैगरी कविता प्रतियोगितातर्फ नैमिषारण्य संस्कृत गुरुकुलम्, बनेपा–६ का प्रतीक पौडेलले प्रथम पुरस्कार रु. ३ हजार, सोही विद्यालयका श्रृजन बडालले द्वीतीय पुरस्कार रु। २ हजार, श्वेतबहार मावि का सुदीप घिमिरले तृतीय पुरस्कार तृतीय रु। १५ सय र धुलिखेल हाइस्कुलकी छात्रा नम्रता न्यौपानेले सान्त्वना पुरस्कार १ हजार प्राप्त गरेका हुन् ।
विजेताहरुलाई संस्थाको तर्फ अध्यक्ष के.सी.ले बधाई एवं शुभकामना दिँदै सहभागी सम्पूर्ण छात्रछात्रा तथा सम्बन्धित विद्यालय परिवारप्रति कृतज्ञता व्यक्त गरेका थिए ।
