हिमाली क्षेत्रको दुर्दान्त चट्टानी उचाइमा आइतबार दुर्घटनाग्रस्त भएको तारा एयर विमानको भग्नावशेषबाट २१ जनाको शव फेला परेको छ । एक जना अझै बेपत्ता छन्, तर अधिकारीहरूले उनी पनि जीबित फेला पार्ने आशा गरेका छैनन्।
उक्त विमान त्यस दिन पोखराबाट पदयात्राका लागि लोकप्रिय रमणीय पर्यटकीय गन्तव्य मानिने जोमसोम जाँदै थियो । यो उडानको समय सामान्यतः ३० मिनेटको हो तर विमान खराब मौसममा कारणले खसेकाे हुन सक्ने जानकारहरूले अनुमान गरेका छन् । सरकारले दुर्घटनाकाे छाबिन गर्न एक समिति बनाइसकेकाे छ ।
उद्धार कार्यको क्रममा दुर्घटनास्थलमा पठाइएका अन्तर्राष्ट्रिय पर्वतीय पथप्रदर्शक नरेन्द्र शाहीले ‘‘कोही पनि जीवित नभएको, विमान टुक्रा टुक्रा भएको र याे स्थिति धेरै हृदयविदारक रहेको’’ जानकारी दिएका थिए ।
यो बिमानमा १३ नेपाली, भारतका चार हिन्दू तीर्थयात्री र दुई जर्मन पदयात्री तथा चालक दलका ३ सदस्य समेत गरी२२ जना सवार थिए।
जानकारहरू भन्दछन् - याे बिमान मार्ग नेपालमा सबैभन्दा जोखिमपूर्ण मध्ये एक मानिन्छ । विमानहरूले साँघुरा उपत्यकाहरूबाट उडान भर्नुपर्छ, जहाँ दृश्यता(देख्न सकिने प्रष्टता) प्रायः चुनौतीपूर्ण हुन्छ । पाइलटहरूले प्रायः पुराना विमानहरू र खराब मौसमको सामना गर्नुपर्छ । याे निकै जाेखिमपूर्ण र कमजाेर सुरक्षा स्थिति हाे ।
chhanbin :To download file click here
