निर्वाचन आयोगले छिटपुट घटनाबाहेक देशभर शान्तिपूर्ण रुपमा मतदान भइरहेको जनाएको छ ।
स्थानीय निकाय निर्वाचन २०७९ का लागि आज देशैभर ७५३ वटै स्थानीय तहका १० हजार ७५६ मतदान स्थलका २१ हजार ९५५ मतदान केन्द्रमा विहान ७ बजेदेखि मतदान भइरहेको र केहि मतदान केन्द्रमा छिटपुट झडप भएको भएतापनि मतदान उत्साहपूर्ण रुपमा भइरहेको आयोगले जनाएको छ ।
दोलखा, सर्लाही, सप्तरी, रामेछाप, पर्वत, हुम्ला र बाजुराका केहि मतदानस्थलमा सामान्य विवादका कारण मतदान कार्य अवरुद्ध भएकोमा सुचारु गर्ने प्रयास भइरहेको आयोगका प्रवक्ता शालिग्राम शर्मा पौडेलले प्रेस विज्ञप्तिमार्फत जनाएका छन् ।
