महालक्ष्मी लाईफ इन्स्योरेन्सको साधारण सभाले सर्वसाधारणलाई ९० करोड बराबरको सेयर निष्काशन गर्ने निर्णय गरेको छ ।
कम्पनीको अधिकृत पूँजी र जारी पूँजी क्रमशः ५०० करोड र ३०० करोड हुने गरी पूँजी वृद्धि गर्ने तथा मर्जर, एक्विजेसन गर्न संचालक समितिलाई अख्तियारी प्रदान गर्ने गरी सभाले निर्णय गरेको हो ।
सभापछि बसेको संचालक समितिको बैठकले संचालक सुरेश सापकोटाको संयोजकत्वमा संचालक उमेशलाल श्रेष्ठ र प्रमुख कार्यकारी अधिकृत रमेश कुमार भट्टराई सम्मिलित तीन सदस्यीय मर्जर कमिटी गठन गरेको छ ।
