चालु आर्थिक वर्षको आर्थिक वृद्धिदर ५.८४ प्रतिशत कायम रहने भएको छ । केन्द्रीय तथ्यांक विभागले गरेको प्रक्षेपण अनुसार यस आबको आर्थिक बृद्धिदर ५.८४ हुने भएको हो । विभागले पत्रकार सम्मेलनमार्फत यस्तो अनुमान सार्वजनिक गरेको हो ।
चालू आर्थिक वर्षको ९ महिनासम्मका आर्थिक क्षेत्रसँग सम्बन्धित आँकडा तथा सूचनाका आधारमा विभागले प्रक्षेपण गरेको जनाएको छ । प्रक्षेपणअनुसार कुल गार्हस्थ्य उत्पादन (जीडीपी )को वृद्धिदर आधारभूत मूल्यमा ५.४९ प्रतिशत हुने प्रारम्भिक अनुमान छ । यस्तो वृद्धिदर आव २०७७/०७८ मा ३.८३ प्रतिशत हुने संशोधित अनुमान र आव २०७६/०७७ मा २.४२ प्रतिशतले ऋणात्मक रहेको अन्तिम अनुमान रहेको विभागले जनाएको छ ।
