सिटिजन्स बैंक इन्टरनेसनलले आफ्नो १५ औं वार्षिकोत्सवको उपलक्ष्यमा आकर्षक योजनाहरु सार्वजनिक गरेको छ ।
बैशाख ७ गतेको वार्षिकोत्सव लक्षित गर्दै बैंकले चैत ७ गते देखि वैशाख ७ गते सम्म १ महिनाको अवधिमा विभिन्न सेवा सुविधामा भारी छुट र क्यास ब्याक लगायतका योजनाहरु सार्वजनिक गरेको हो ।
ती योजना अन्तर्गत डेबिट तथा क्रेडिट कार्ड प्रयोगकर्ताहरुले पिओएस मेसिन र अनलाईन मार्फत १ हजार वा बढीको कारोबार गर्दा २०० क्यासब्याक पाउनेछन् । यसैगरी पहिलो पटक क्युआर कोड मार्फत भुक्तानी गर्ने ग्राहकहरुको लागि १०० को क्यासब्याक पाउनेछन् ।
डिजिटल भुक्तानीको अर्को माध्यम इ–कम कार्डको प्रयोगलाई प्रोत्साहन गर्ने उद्देश्यका साथ बैंकले योजना अवधी भरमा इ–कम कार्ड लिन चाहने ग्राहकलाई कार्ड निःशुल्क रुपमा उपलब्ध गराउने जानकारी दिएको छ ।
त्यसैगरी, बैंकले ५ लाखसम्मको दुर्घटना मृत्यु बीमा तथा ५० हजारसम्मको स्वास्थ्य बीमा सुविधा सहितको सिटिजन्स संरक्षित बचत खाता खोल्दा बचतकर्ताहरुको लागि निःशुल्क डेबिट कार्ड, मोबाइल र इन्टरनेट बैंकिङ्ग, डिम्याट खाता प्रदान गर्नुका साथै देशभरका कुनै पनि बैकको एटिएमबाट निः शुल्क रकम निकाल्न सकिने व्यवस्था रहेको बैंकले जनाएको छ ।
