नेपालपत्र संवाददाता
दोलखाको जिरीमा मुख्य कार्यालय रहेको एकीकृत फ्रेण्डसिप बचत तथा ऋण सहकारी संस्थाको नयाँ सञ्चालक समिति चयन भएको छ । संस्थाको १२ औ बार्षिक साधारण सभाले टपिन्द्र खड्काको अध्यक्षतामा नयाँ सञ्चालक समिति चयन गरेको हो ।
संस्थाको उपाध्यक्षमा केशवकुमार कार्की र सचिवमा देवबहादुर श्रेष्ठ निर्वाचित भएका छन् । त्यसैगरी संस्थाको सञ्चालकहरुमा ठाकुर प्रसाद घिमिरे, सिताराम कार्की,राजु थापा मगर,दातेम्बा शेर्पा र शंकर कुमार कार्की निर्वाचित भएका छन् ।
संस्थाको लेखा सुपरीवेक्षण समिति संयोजकमा प्रेमबहादुर खत्री र सदस्यहरुमा चक्रबहादुर जिरेल र अप्सरा जिरेल निर्वाचित भएको निर्वाचन उप समितिले जनाएको छ । सञ्चालक समितिको कार्यकाल ४ बर्षको हुनेछ ।
