सानिमा बैंक लिमिटेडले  २२औं वार्षिक साधारणसभा सफलतापूर्वक सम्पन्न गरेको छ । बैंकका अध्यक्ष तुक प्रसाद पौडेलको अध्यक्षतामा भएको उक्त सभाले संचालक समितिले प्रस्ताव गरे अनुसार २०८३ आषाढ मसान्तको साधारण शेयर पुँजीको १० प्रतिशत नगद लाभांश (कर सहित) र अग्राधिकार शेयर  पुँजीको  ८.२५ प्रतिशत नगद लाभांश (कर सहित) प्रदान गर्ने प्रस्ताव पारित गरेको छ ।

सर्वसाधारण  शेयरधनीहरुको तर्फबाट  तेज बहादुर चन्द र महेश घिमिरे २२औं वार्षिक साधारणसभाबाट संचालकमा निर्विरोध निर्वाचित हुनुभएको छ । आर्थिक बर्ष २०८२/८३ मा रु. ३.५५ अर्ब खुद मुनाफा गरेको  बैंकको कुल सम्पत्ति रु. २९१.२१ अर्ब, कुल निक्षेप रु. २४९.९३ अर्ब तथा खुद कर्जा सापटी रु २०३.९९ अर्ब रहेको छ । आर्थिक वर्ष २०८१/८२ को तुलनामा निक्षेप, कर्जा सापटी र कुल सम्पत्तिमा क्रमश: १०.८४ प्रतिशत, ११.१९ प्रतिशत र १०.५० प्रतिशतले बृद्धि गरेको छ ।

असार मसान्त बैंकको निष्क्रिय कर्जा २.८७ प्रतिशत,पुँजीकोष १२.८३ प्रतिशत,तरलता अनुपात ३०.६८ प्रतिशत र कर्जा निक्षेप अनुपात ८०. ७७ प्रतिशत रहेको छ ।