नेपाल राष्ट्र बैंकले  आज ३० अर्ब रुपैयाँ तरलता  प्रशोचन गर्ने  भएको छ । गत साउन ६ गते एक खर्ब बजारबाट प्रशोचन गरेको  राष्ट्र बैंकले पुनः १७९ दिनका लागि ३० अर्ब रुपैयाँ निक्षेप उठाउन लागेको हो ।  

बैंकले विभिन्न विशेषता एवं शर्तहरु कायम गरी निक्षेप संकलनको बोलकबोल तथा निष्काशन गर्ने भएको  छ । निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी माघ ८ गते हुने बैंकले जनाएको छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बालकबोल गर्न सक्नेछन्। 

इच्छुक ‘क’ ‘ख’ र ‘ग’ वर्गका बैंक तथा वित्तीय संस्थाले सोमबार दिउँसो ३ बजेसम्म बोलकबोलमार्फत आवेदन दिन सक्नेछन् । पछिल्लो सयम बजारमा अधिक तरलता रहेका कारण राष्ट्र बैंकले नियमित रुपमा तरलता प्रशोचन गर्दै आएको छ ।