महालक्ष्मी विकास बैंकले २१.०४ प्रतिशत लाभांश प्रस्ताव गरेको छ। बैंकले नेपाल स्टक एक्सचेन्ज लिमिटेड (नेप्से )समक्ष २० प्रतिशत बोनस सेयर र १.०४ प्रतिशत नगद लाभांश प्रस्ताव गरेको हो।
बैंकको हिजो बसेको सञ्चालक समितिको बैठकले ३ अर्ब ३४ करोड २४ लाख चुक्ता पुँजीको २१.०४ प्रतिशतले हुन आउने ७० करोड ३६ लाख लाभांश प्रस्ताव गरेको हो। लाभांश राष्ट्र बैंकले स्वीकृत गरेपछि लाभग्राहीको खातामा जम्मा गरिनेछ।
