बैंक तथा वित्तीय संस्थाहरुको निक्षेपको आकार ७० खर्ब  माथि रहेको छ । नेपाल राष्ट्र बैंकका अनुसार  वाणिज्य बैंक, विकास बैंक तथा फाइनान्स कम्पनीहरुद्वारा संकलित निक्षेप  ७० खर्ब १ अर्ब रुपैयाँ पुगेको हो । 

राष्ट्र बैंकका अनुसार बैंक तथा वित्तीय संस्थाहरुको कुल निक्षेपमध्ये वाणिज्य बैंकहरुको निक्षेप ६२ खर्ब ६२ अर्ब तथा अन्य वित्तीय संस्थाहरुको निक्षेप ७ खर्ब ४० अर्ब पुगेको छ ।  बैंक तथा वित्तीय संस्थाहरुले प्रवाह गरेको कुल कर्जामध्ये वाणिज्य बैंकहरुले ४९ खर्ब ४९ अर्ब तथा अन्य वित्तीय संस्थाले ६ खर्ब १९ अर्ब कर्जा प्रवाह गरेका छन् । वित्तीय प्रणालीमा निक्षेपको तुलनामा कर्जा भने विस्तार हुन सकेको छैन ।

 यस आर्थिक बर्षको वैशाखसम्म १३ खर्ब ५६ अर्ब ६१ करोड रेमिट्यान्स नेपाल भित्रिएको छ ।  रेमिट्यान्स  आउने क्रम बढेकाले पनि वित्तीय प्रणालीमा तरलता बढेको हो ।