नेपाल राष्ट्र बैंकले आज तीन हप्ताको लागि बजारबाट ३५ अर्ब उठाउने भएको छ ।  बैंकिङ प्रणालीमा नगद प्रवाह बढी भएर तरलता बढ्न थालेपछि त्यसलाई व्यवस्थापन गर्न राष्ट्र बैंकले बजारबाट निक्षेप उठाउन लागेको हो ।

दुई दिन अघि  मात्र ३० अर्ब बजारबाट उठाएको बैंकले आज ३५ अर्ब रुपैयाँ निक्षेप उठाउन लागेको हो । बैंकले  पछिल्लो समयमा बजारबाट छिटो छिटो तरलता खिच्दै आएको छ । निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी जेठ २१ गते हुने राष्ट्र बैंकले जनाएको छ ।

निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बालकबोल गर्न सक्नेछन्। इच्छुक ‘क’ ‘ख’ र ‘ग’ वर्गका बैंक तथा वित्तीय संस्थाले बुधबार दिउँसो ३ बजेसम्म बोलकबोलमार्फत आवेदन दिन सक्नेछन् । बोलकबोल अनलाइन बिडिङ सिस्टम सप्टवयरमार्फत हुनेछ ।