ट्रान्स्परेन्सी इण्टरनेशनलकी अध्यक्ष पद्मिनी प्रधानाङ्गले आज एक बक्तब्य प्रकाशित गर्दै राज्यको गम्भीर ध्यानाकर्षण गराएकी छन्। उनले राज्यका कुनै पनि उच्च पदमा नियुक्ति गरिदा स्वार्थको द्वन्द्व नहुने र सुशासनमा खलल नपर्ने कुरा सुनिश्चित गरिनुपर्ने बारे औंल्याउँदै सरकारका बिभिन्न उच्च पदमा रहेर काम गरिसकेका तोयम रायालाई महालेखा परीक्षककारुपमा सिफारिश गरिएकोमा यो ध्यानाकर्षण गराएकी हुन् ।
रायाको नियुुक्ति सर्बोच्च लेखापरीक्षक जस्ता निकायहरुको अन्तर्राष्टिय संगठन (ईण्टोसाई)बाट जारी नैतिक आचरणसँग संगतिपूर्ण नहुने जोखिम रहेको देखिएको र आफुले गरेको काम आफैले परीक्षण गर्ने (सेल्फ रिभ्यू) जोखिमहरु रहे नरहेको मान्यता र अभ्यास रहेको उल्लेख गर्दै यस्तो जोखिम रहेको अबस्थामा लेखा परीक्षण बिश्वसनीय नहुने सम्भावना बिद्यमान रहेको बक्तब्यमा बताइएको छ । तोयम राया स्वयं अर्थसचिव, उपराष्ट्रपतिको कार्यालय सचिव र राष्ट्रिय तथ्यांक कार्यालयको प्रमुख तथ्यांक अधिकारीकारुपमा कार्यरत रहेको जसको लेखाउत्तरदायी उहाँ स्वयं नै हो भन्ने दर्शाउँदै उहाँकाे यो नियुक्ति लेखापरीक्षणको स्वतन्त्रताको सिद्धान्तसँग मेल नखाले औल्याइएको छ । अध्यक्षको बक्तब्यको बिवरण निम्नानुसार छ ।
