नेपालपत्र संवाददाता
काठमाडौं । अमेरिकाका चर्चित पूर्वविदेशमन्त्री हेनरी किसिञ्जर एक सय वर्षको उमेरमा आज निधन भएको छ । उनकाे अमेरिकाकाे कनेक्टिकटस्थित आफ्नै निवासमा बुधबार बिहान निधन भएको रोयटर्सले जनाएको छ ।
रिपब्लिकन पार्टीका हेनरी किसिञ्जर सन् १९७३ देखि १९७७ सम्म अमेरिकाकाे विदेशमन्त्री भएका थिए ।
किसिञ्जर अमेरिकी राष्ट्रपति रिचर्ड निक्सनको राष्ट्रिय सुरक्षा सल्लाहकार पनि थिए । चीनसँग सम्बन्ध विस्तारका लागि उनी पाकिस्तानको रावलपिण्डीबाट चीन गएका थिए ।
अमेरिका–चीन शक्ति सन्तुलन कायम राख्न अमेरिकाले पहल गर्नुपर्नेमा जोड दिने किसिञ्जरले दुई देशबीच स्थायी सम्वाद पनि आवश्यक रहेको पनि बताउँथे । उनी १०० बर्ष पुग्दा पनि हालै चीनकाे भ्रमण गरेर फर्केका थिए ।
