धादिङ । नागढुंगा–नौबीसे सडक खण्डमा गएराती पहिरो जाँदा पुन सडक अवरुद्ध भएको छ । आइतबार बिहान गएको पहिरो हटाएको ७ घण्टापछि सुचारु भएको उक्त सडक खण्डमा फेरि पहिरो जाँदा नागढुङ्गा–नौबीसे राजमार्ग अन्तर्गत काठमाडौ चन्द्रागिरी नगरपालिका–२ चिसापानीमा गएको पहिरोले राजमार्ग पूर्ण रुपमा अवरुद्ध भएको हो । लगातार तीन दिनदेखि परेको अविरल वर्षाको कारण बिहान ५ बजेर ४५ मिनेटको समयमा पहिरो जाँदा राजमार्ग अवरुद्ध भएको बताइएकाे छ । नेपालको मूख्य नाकामा पहिरोको कारण उपचारका लागि काठमाडौ आएका बिमारी र अन्य यात्रुसमेत समस्यामा परेका छन् । अहिले धेरै लामो जाम रहेको छ भने पहिरो हटाउने कार्य भैरहेको थानकोट प्रहरीले जनाएको छ ।
