पाकिस्तानी सुरक्षा बलले पर्वतीय उपत्यकामा माथि झुण्डिएको केबलकारबाट केही युवा विद्यार्थीसहित आठ जनालाई उद्धार गरेको जनाएको छ ।
खैबर पख्तुनख्वा प्रान्तको बट्टाग्राम जिल्लाको अल्लाईमा रहेको नजिकैको विद्यालयमा १० देखि १५ वर्षउमेरसमूहका बालबालिकासहित ती विद्यार्थीहरु बिहान त्यसमाा बिद्यालय जाँदै गर्दा कारका दुईवटा तार फुटेका थिए । यात्रु र तिनका परिवारले तत्काल सहयोगका लागि अपिल गरेका थिए ।सोसल मिडियामा पोस्ट गरिएको एक भिडियो क्लिपमा एक व्यक्तिलाई हेलिकप्टरमा जडित डोरीले सुरक्षित स्थानमा उठाएको देखिएको छ ।
तर अँध्यारो हटेपछि हेलिकप्टर सञ्चालन बन्द गरिएको र अझै फसेकाहरूको उद्धारका लागि जिप लाइनको प्रयोग गरिएको पाकिस्तानी सेनाले जनाएको छ ।त्यो केबल कार पहाडी उत्तरी क्षेत्रका बासिन्दाहरूको लागि यातायातको नियमित माध्यम हो। दैनिक करिब ४०० देखि ५०० जना मानिस आवतजावतका लागि त्यसको प्रयोग गर्छन् ।
तर यस्ता स्थानीय स्तरमा निर्मित लिफ्टहरू, सामान्यतया पेट्रोल वा डिजेल इन्जिनद्वारा संचालित, निजी स्वामित्वमा छन् र तुलनात्मक रूपमा तदर्थ निर्माणतर्फ उन्मुख छन्।
डरः एक यात्रुले एक स्थानीय टेलिभिजन समाचार नेटवर्कलाई बताए अनुसार उनी र अन्य यात्रीहरू खाना र पानी बिना छ घण्टाभन्दा बढी समयदेखि त्यसमा फसेका थिए। उनका अनुसार मुटुको समस्या भएका एक बालक आत्तिएर बेहोस भएका थिए । “मेरो मोबाइल फोनको ब्याट्री चाँडै कम हुँदै गएको छ,“ उनले जानकारी दिदै भने।
