चन्द्रमणि गाैतम
हुन त उक्त आख्यानलाई अलेक्जेन्डर द ग्रेटले भनेको पनि भन्छन् । तर मैले घानाली आख्यान पढदा यो पनि पाएको थिएँ । जे होस्-
गणतन्त्र घाना एट्लान्टिक महासागरतिर पर्ने, सरकारी भाषा अँग्रेजी भएको पश्चिम अफ्रिकी मुलुक (फोटो) हो। घानाको शाब्दिक अर्थ लडाकू राजा भन्ने लाग्दछ ।
१९५७ मा बेलायती उपनिवेशबाट स्वतन्त्र भएको र नेपाल जति नै जनसंख्या भएको यो मुलुकमा पूर्ण लोकतन्त्र छ । ९ मूख्य जाति र १७ वटा राष्ट्रिय भाषा प्रचलनमा छन् ।
प्रतिव्यक्ति आय करिब ५ हजार डलर भएको, समृद्धिमा विश्वको १२६ औँ मुलुक, आर्थिक सामाजिक समृद्धि र राजनीतिक स्थिरताका दृष्टिले घाना यस भूक्षेत्रको शक्ति राष्ट्र हो, जहाँ राष्ट्र संघका महासचिव कोफी अन्नान र एन्क्रुमा जस्ता नेताहरु जन्मे ।
घानाको कुरा गर्दा क्वामे एन्क्रुमाह (१९०९-१९७२) को बारेमा लेख्नैपर्ने हुन्छ । उनी घानाका क्रान्तिकारी, पहिलो प्रधानमन्त्री र राष्ट्रपति, १९५७ मा घानालाई बेलायतबाट स्वाधीन गराउन नेतृत्व दिएका राजनेता एवं असंलग्न मुलुकहरुको आन्दोलनका अगुवा थिए ।
घानालीहरू एकताका उनको यति गुणगान गर्दथे कि नारा लगाउने गर्थे, "यो दुनियाँमा एउटा मात्र नेता छ भने त्यो एन्क्रुमाह हो, यो दुनियाँमा एउटा मात्र ईश्वर छ भने त्यो एन्क्रुमाह हो ।" (If there's only one leader in the world, he's Ankrumah ! If there's only one God, he's Ankrumah). तर एन्क्रुमाह पनि अथाह सम्पत्ति स्वीस बैंकमा लुकाएको, आदि विभिन्न विवादबाट अछुत रहन सकेनन् ।
घाना शान्ति र राजनीतिक स्थायित्व भएको राम्रो अफ्रिकी मुलुक हो ।
साभार : गाैतमकाे मुहारपुस्तिका
