नेपालकाे पछिल्लो आर्थिक सर्वेक्षणअनुसार देशकाे कूल जनसंख्याको ६०.४ प्रतिशत जनता कृषि पेशा अंगालेका छन् । एेतिहासकालदेखि नेपालले आफुलाई ‘कृषि प्रधान’ मुलुक भनेर चिनाउदै रहेको छ । कूल खेतीयोग्य भूमि करिब ३१ लाख ९५ हजार एक सय ७३ हेक्टर छ । तर यही मुलुक कृषिमा परनिर्भरताको पराकाष्ठामा पुगेर सीमा नाघेको छ ।
जनसंख्या थाेरै र उत्पदन बढी भएर सन् ६० को दशकमा नेपाल धान चामल निर्यात गर्ने मुख्य मुलुकमध्येमा रहेकाे थियाे । पछिल्लाे समय यही मुलुकले गत् आर्थिक बर्ष २०७८।७९ मा ३ खर्ब ४१ अर्ब ५१ करोड मूल्यबराबरको प्रमुख कृषिजन्य बस्तु विभिन्न मुलुकबाट आयात गरेको छ । भन्सार विभागको पछिल्लो तथ्याँकअनुसार नेपालले कृषिजन्य बस्तुमा आयात नगरेको कुनै बस्तु छैंन् । गएकाे आर्थिक बर्ष २०७८।७९ मा कूल १९ खर्ब २० अर्ब ४४ करोड ८३ लाख रुपैयाँको बस्तु आयात हुँदा यसमध्ये ३ खर्ब ४१ अर्ब ५१ करोड ७७ लाख रुपैयाँको प्रमुख कृषिजन्य बस्तुमात्रै आयात भएको हो ।
हाम्राे कृषिकाे यस्ताे अबस्थाले अहिलेसम्म कृषिमा होइन, बालुवामा लगानी भएको छर्लङ्ग भएकाे यस क्षाेत्रका ज्ञाता र अध्येताहरू उल्लेख गर्दछन् । सरकारले कृषिलाई प्राथमिकता दिदैं गरेकाे दाबी गरिरहेकाे बेलमा यसरी डरलाग्दो र भयावह रुपमा कृषिजन्य बस्तुको आयात बढेको छ ।
