राष्ट्रियता जनतन्त्र र जनजीबिकाका बिषयमा संघर्षरत रहेकेा ६ वाम दलहरुले यही असार २५ गते बिषयबिज्ञहरु सहित काठमाडौंमा नागरिक जस्ताे गम्भीर र सम्बेदनशील बिषयमा एउटा बृहत र महत्वपूर्ण अन्तरक्रिया कार्यक्रम सम्पन्न गरे ।
नागरिकता समस्या राष्ट्रिय हितमा समाधान गर्न राष्ट्रिय दृष्टिकोण निर्माण गर्ने अपेक्षाकासाथ “ राष्ट्रिय स्वाधिनताकाे रक्षाको लागि नागरिकता बितरण सम्बन्धी राष्ट्रिय दृष्टिकोण “ बिषयक उक्त अन्तरक्रिया कार्यक्रमको अध्यक्षता नेकपा ( मसाल ) विशेष महाधिवेशन आयोजक समितीका संयोजक सन्त बहादुर नेपालीले गरेका थिए ।
नेकपा ( क्रान्तिकारी माओवादी ) का स्थाइ समिति सदस्य परि थापाको समीक्षात्मक मन्तव्य रहेको सो अन्तरक्रिया कार्यक्रम नेकपा ( बहुमत ) का नेता कृष्ण धिमालको संचालन र नेपाल कम्युनिस्ट पार्टीका अध्यक्ष लोकनारायण सुवेदीको स्वागत मन्तब्यकासाथ अघि बढेको थियो । अन्तरक्रिया कार्यक्रममा आयोजक ६ बाम दलका तर्फबाट संयुक्त क्रान्तिकारी मोर्चाका प्रतिनिधि नारायण शर्माले अवधारणा पत्र प्रस्तुत गरेका थिए ।
पूर्ब राजदूत, परराष्ट्रबिद तथा राजनीतिक बिश्लेषक हिरण्यलाल श्रेष्ठले अन्तरक्रियालाई सम्बोधन गर्दै राष्ट्रियताका लागि सबै भन्दा बढी खतरा जनसाङ्खिक अतिक्रमण भएको बताए । “यो बिधेयक तराइबासीको पनि हित बिपरित छ । यो खारेज गरिनु पर्छ । “ – परराष्ट्रबिद श्रेष्ठले भने – “ रैथाने नेपालिले पाउने तर बिदेशीले नेपाली नागरिकता लिनै नसक्ने खालको कठोर नागरिकता नीति ल्याउनु पर्दछ ।'' उनले नेपाल भारतबाट जल,थल, ब्यापार अर्थतन्त्र, सँस्कृति र जनसंख्या हरेक क्षेत्रबाट अतिक्रमणमा परिरहेकाे उदाहरण दिएका थिए । श्राेताहरूले हिरण्यलालले माइक्राे मेनेजमेण्ट भने छुटाएकाे हाे कि ती छवटा अतिक्रमणका माध्यमभित्रै पर्ने हाे भन्ने टिप्पणी गरेका थिए ।
पूर्ब उपप्रधानमन्त्री एवं नेकपा ( माले )का महासचिव सिपि मैनालीले अन्तरक्रियामा बोल्दै प्रस्तुत अवधारणापत्र बिमति जनाउनु पर्ने केही कुरा नरहेको तर केही कुरा छुटेकाे र अपुग भएकाे बताउदै त्यसमा छुटेका केही महत्वपूर्णा कुरा राखेका थिए ।
नागरिकता अध्ययन कार्यदलका संयोजक साध्य बहादुर भण्डारीले अहिले अगाडी बढाउन खोजिएको नागरिकता बिधेयक अझ गम्भीर प्रकारको राष्ट्रघाती रहेको बताए । यसले भाञ्जाभाञ्जीले पनि सहजै नागरिकता पाउने ब्यवस्था गर्न थालेकाे गम्भीर सन्देह प्रकट गरेका थिए ।
अन्तरक्रिया कार्यक्रममा बाेल्दै बरिष्ठ अधिबक्ता एकराज भण्डारीले राष्ट्रियताका सवालमा नेपाल गम्भीर मोडमा उभिएको बताए । भण्डारीको भनाइ थियो – “नेपालमा भएका देशभक्त सहि वामपन्थी शक्तिहरु एक ठाउमा उभिएर राष्ट्रघाती नागरिकता बिधेयक खारेज गराउन लाग्नु पर्छ । म आफू पनि त्यही ठाउमा उभिनेछु ।“
अन्तरक्रिया कार्यक्रममा आफ्नो बिचार राख्दै पुष्पलाल अध्ययन समाजका अध्यक्ष लोककृष्ण भट्टराईले देउवा , प्रचण्ड र केपिले कट्टु लाएर अमेरिकाको दलाली गरेको भन्दै तिनलाई अब एउटै पार्टी बनाउन सुझाब दिए ।
अन्तरक्रिया कार्यक्रममा फ्लोर बाट राम बहादुर बुढा , नारायण सापकोटा , प्रकाशचन्द्र ढकाल र नारायण प्रसाद धिमाल लगायतले बिचार ब्यक्त गरेका थिए । कार्यक्रममा सबै दलका नेता तथा कार्यकर्ताहरुको सहभागिता रहेको थियो ।
इच्छुक प्रतिष्ठानको सभाहलमा भएको उक्त अन्तरक्रिया कार्यक्रममा धन्यवाद मन्तव्य माओवादी कम्युनिस्ट पार्टी नेपालका नेता पासाङ्ग मोक्ताङले राखेका थिए ।
