जापानका प्रधानमन्त्री फुमिओ किशिदासँग टोकियोको एक पत्रकार सम्मेलनमा एक जना पत्रकारले राष्ट्रपति बिडेनलाई “ताइवानको रक्षा गर्न सैन्य तवरमा संलग्न हुन“ इच्छुक छन् कि भनेर सोधे, जुन उनले युक्रेनसँग गरेका छैनन्।

“हो,“ बिडेनले भने । संवाददाताले यस बारे बोल्न जोड दिदा उनले थपे, “हामीले गरेको प्रतिबद्धता यही हो।“

यदि चीनले कुनै बेला ताइबानी प्रजातन्त्रमा हमला गरेमा ताइवानको रक्षा गर्न सैन्य बल प्रयोग गर्ने बाडेनले गरेको प्रतिज्ञा, जुन उनले चेतावनी वा स्पष्टीकरण बिना प्रस्ताव गरेका थिए, परम्परागत रूपमा अमेरिकी राष्ट्रपतिहरूले समर्थन गरेको “रणनीतिक अस्पष्टता“सँग सम्बन्धित थियो।
बाइडेनको टिप्पणीले युक्रेनमा गरेझैं उनी हतियार आपूर्ति भन्दा ताइवानको लागि अझ बढी जाने संकेत पनि दियो। “यसले पूरै क्षेत्रलाई विघटित गर्ने थियो र युक्रेनमा घटेको जस्तै अर्को कार्य हुनेछ। अनि त्यसैले यो अझ भारी बोझ हो,“ उनले ताइवानमा चीनबाट हुने  काल्पनिक आक्रमणबारे भने।
उता  ह्वाइट हाउसले भने “ताइवानलाई आफ्नो सुरक्षाको लागि सैन्य साधन प्रदान गर्ने’’ प्रतिबद्धतालाई दोहोरÞ्याउँदै बाइडेनको टिप्पणीलाई घुमाएर भन्ने प्रयास गर्यो। तर पहिले आफ्नो राष्ट्रपति पदको दौडानकम चीन र ताइवानको सम्बन्धमा आफ्ना पूर्वजहरूले गरेको अस्पष्ट अभ्यास बाइडेनले बेवास्ता गरेका छन्।

स्पष्ट छ : ताइवान चीनको अभिन्न भाग हो र यो सार्वभौम राष्ट्रको रूपमा अस्तित्वमा रहन सक्दैन भन्ने कुरा बेइजिङले निरन्तर जोड दिदै आएको छ । अमेरिकाले ऐतिहासिक रुपमा चीनलाई ताइवानविरुद्ध बल प्रयोग नगर्न चेतावनी दिदै आएको छ तर सामान्यतया यसले कस्तो प्रतिक्रिया दिने हो त्यो भने अस्पष्ट रहेको छ।

यस क्षेत्रमा चीनको प्रतिरोध गर्न र अमेरिकी प्रभावलाई पुन: जीवन्त तुल्याउनका लागि  एउटानयाँ, खुकुलो किसिमको परिभाषित आर्थिक समूहमा  झन्डै एक दर्जन एसिया–प्रशान्त क्षेत्रका राष्ट्रहरूलाई बाइडेनले सम्मिलित गराएका छन्।
समाचार श्रोत : एजेन्सीहरु