नेपाल राष्ट्र बैंकले विकास ऋणपत्र २०८० जारी गर्ने भएको छ । बैंकले एक सूचना जारी गरी २ वर्ष अवधिको विकास ऋणपत्र २०८० ‘च’ बोलकबोलमार्फत निष्काशन गरिने जनाएको हो । ९ अर्ब पचास करोड रुपैया बराबरको ऋणपत्र निष्काशन गर्ने जनाएको छ । बैंक तथा वित्तीय संस्था, गैर बैंकवित्तीय संस्थ, बीमा कम्पनी, संगठित संस्था र नेपाली नागरिकले निवेदन दिन पाइनेछ ।
माघ २५ गते अपरान्ह ३ बजेसम्म नेपाल राष्ट्र बैंकको अनलाइन बिडिङ सिस्टम सफ्टवेयर मार्फत बोलकबल पेश गर्नुपर्ने हुन्छ भने माघ २६ गते यसको निष्काशन गरिनेछ । ऋणपत्रमा पाइने ब्याजदर बोलकबोलकै माध्यमबाट निर्धारण हुनेछ । न्यूनतम ५० हजार र बढीमा ५० हजारले भाग जाने गरी अधिकतम रकमका लागि निवेदन दिन सकिने नेपाल राष्ट्र बैंकले जनाएकोछ ।
