ब्लड डोनर्स एशोसिएसन नेपाल (ब्लोदान), पुर्वी भेगीय क्षेत्रको आयोजनामा जेठ २४ गते शनिवार वाकाथन प्रतियोगिता हुने भएको छ । 

‘विश्व रक्तदाता दिवस २०२५’ को अवसरमा ‘रक्तदान गरौं, आशा जगाऔं, सबै मिली जीवन बचाऔं’ भन्ने  थिममा वाकाथन हुन लागेको हो । काठमाडौंको तीनुकुनेस्थित कान्तिपुर रक्तसञ्चार केन्द्रको प्राङ्गणबाट विहान ६ः३० बजे शुरु भई बानेश्वर पुगेर पुनः तीनकुनेमा आइ वाकाथन समापन हुने अध्यक्ष रवि रिमालले जानकारी दिए ।  

वाकाथनमा विभिन्न विद्यालयका विद्यार्थिहरूको सहभागिता रहने छ भने प्रतियोगितामा प्रथम, द्वितीय तथा तृतिय हुने खेलाडी हरूलाई नगद पुरस्कार सहित ट्रफि प्रदान गरिनेछ । सोही अवसरमा ‘विश्व रक्तदाता दिवस २०२५’ कै अवसर पारेर रक्तदान सम्बन्धी जनचेतना जगाउने स्मारिका विमोचन तथा  वितरण हुनेछ । कार्यक्रम सफल बनाउन सहयोग पु¥याउने संघसंस्था तथा व्यक्तिहरुलाई सो अवसरमा मायाको चिनो समेत प्रदान गरिने भएको छ ।