वागमती प्रदेश बचत तथा ऋण सहकारी संघ लि. (वागमती प्रोस्कून) को आगामी चार वर्षे कार्यकालका लागि रणनीतिक व्यवसायिक योजना निर्माण कार्यशाला सम्पन्न भएको छ ।
काभ्रेपलाञ्चोक भाद्र ११ र १२ गते आयोजिम कार्यशालाको समुद्घाटन राष्ट्रिय सहकारी महासंघका अध्यक्ष मिनराज कंडेलले गरेका हुन् । प्रमुख अतिथिको आसनबाट बोल्दै कंडेलले छोटो समयमा प्रदेश बचत संघले उल्लेख्य प्रगति गरेको र अब निर्माण हुन लागेको रणनीतिक व्यवसायिक योजनाले व्यवसायिक र क्षमतावान संघ निर्माण हुनेमा विश्वास व्यक्त गरे । उनले वागमती प्रदेशको बचत तथा ऋण सहकारी संघसंस्थाहरुको व्यवसायिकीकरण गर्दै सुरक्षित साकोस निर्माणमा संघले महत्वपूर्ण भूमिका खेल्ने अपेक्षा राखे ।
कार्यक्रममा विशेष अतिथि वागमती प्रदेश सहकारी विकास बोर्डका उपाध्यक्ष नारायण देवकोटाकोले सहकारी मार्फत साना व्यवसायिक परियोजनामा जोड दिनु पर्ने उल्लेख गर्दै प्रदेश सहकारी विकास बोर्ड र बागमती प्रदेश बचत तथा ऋण सहकारी संघ बीच साझेदारी र समन्वय गर्न विकास बोर्ड तयार रहेको कुरा उल्लेख गरे ।
कार्यक्रमको समापन बोल्दै नेफ्स्कूनका अध्यक्ष परिताेष पाैडेलले प्रदेश बचत तथा ऋण सहकारी संघले स्थापनाको पहिलो वर्षमा नै उत्कृष्ट रणनीतिक व्यवसायिक योजना निर्माण गरेकोमा बधाई दिए । बचत तथा ऋण अभियानमा नेफ्स्कूनले नेतृत्वदायी भूमिका खेल्ने र त्यसमा प्रदेश बचत तथा ऋण सहकारी संघको सहयोग आवश्यक रहेको उनले उल्लेख गरे । सदस्य संघसंस्थाहरुको क्षमतामा सुधार ल्याउन संघ लाग्नुपर्नेमा उनको जोड थियो ।
कार्यक्रममा वागमती प्रदेश बचत तथा ऋण सहकारी संघ लि. (वागमती प्रोस्कुन) को संचालक समिति, लेखा सुपरीवेक्षण समिति र उच्च व्यवस्थापन सहित १७ को उपस्थिति रहेको थियो । कार्यक्रमलाई राष्ट्रिय सहकारी महासंघले आर्थिक तथा प्राविधिक सहयोग गरेको थियो ।
संघका अध्यक्ष उद्धव सापकोटाको अध्यक्षतामा सम्पन्न कार्यशालाले आगामी ४ वर्षमा संघको कूल सम्पत्ति ९ अर्व पु¥याउने, ४ वटा कार्यालय स्थापना गर्ने, कूल २०२५ सदस्य पु¥याउने र वार्षिक कम्तीमा ६५ देखि बढीमा ११५ वटा सम्म विभिन्न कार्यक्रमहरु आयोजना गर्दै प्रदेश सहकारी ऐन, नियमावली अनुसार स्तरीकरण कार्यक्रमको विकास गरी सदस्य साकोसहरुको गुणस्तर वृद्धि गर्ने लक्ष लिएको छ ।
