प्रोग्रेसिभ फाइनान्स लिमिटेडले एसबी सल्युसन प्रा.लि.सँगको सहकार्यमा क्रेडिट एक्स नामक लोन अटोमेसन प्रणालीलाई लाइभ गरेको छ । यस प्रणालीले इन्टर्नल लोन वर्कफ्लो, जोखिम मूल्याकंन, ऋण स्वीकृतिलाई स्वायत्त र डिजिटाइज गर्ने गर्दछ ।
प्रोग्रेसिभ फाइनान्सका प्रमुख कार्यकारी अधिकृत विशाल हुमागाई र एसबी सल्युसनका प्रमुख कार्यकारी अधिकृत सन्जोग मिश्रले आ–आफ्नो संस्थाको तर्फबाट एक समारोहकाबीच सम्झौतामा हस्ताक्षर गरेका छन् ।
क्रेडिट–एक्स, लोन अटोमेसन प्रणालीको थालनीसँगै, बैंकहरूले पूर्ण रूपमा कागज निर्भर नभइ ऋण कार्यप्रवाह गर्न सक्षम हुनेछन् । यसले प्रणाली भित्र जोखिम प्यारामिटरहरूको अनुगमन गरेर ऋण लिएका ग्राहकहरूसँग सम्बन्धित जोखिम न्यूनीकरण गर्नलाई पनि सहयोग पुर्याउनेछ । यो नयाँ तरिकले बैंकलाई द्रुत गतिमा ऋण प्रक्रिया पूरा गर्न मद्दत गर्दछ । प्रणालीले जमानत र गैर जमानत बेस लोन पनि प्रोसेस गर्ने गर्दछ ।
ऋण स्वचालन प्रणाली अन्तर्राष्ट्रिय मापदण्ड अन्र्तगत रहेको रेटिंगको दृष्टिकोणमा निर्माण गरिएको छ । यो स्वायत्त सिस्टम, प्रणालीले संचालित ग्राहकको उद्देश्य मूल्याकनका साथसाथै विषयगत प्यारामिटरहरूको मानकीकरणको रुपमा पनि रहेको छ । यस नयाँ प्रणाली कार्यान्वयन भएसाथै, बैंक र अन्तका उपभोक्ताहरूले प्रशोधन र स्वीकृति प्रक्रियाको टर्न अराउन्ड समयमा ५० प्रतिशत भन्दा बढी कटौतीको अनुमानित लाभ लिन पाउनेछन् ।
राष्ट्र बैंकबाट ‘ग’ वर्गको इजाजत प्राप्त संस्था प्रोग्रेसिभ फाइनान्स एक मजबुत र भरपर्दो बैकिंङ्ग सेवा स्थापित गर्न प्रतिबद्ध रहँदै आएको छ । कम्पनीका लगभग १ लाख भन्दा बढि ग्राहक रहेका छन् र देशभरि १५ भन्दा बढि शाखाहरु रहेका छन् ।
एस्.बी. सोलुसन्सले डिजिहबसँगको सहकार्यमा बैंक तथा बित्तिय संस्थाहरुमा कर्जा पक्रियालाई अटोमेसन तथा डिजिटाइजेसन गर्न क्रेडिट–एक्स नामक सफ्टवेयर जडान तथा इम्पिलिमेन्टेसन गर्दै आईरहेको छ । साथै पेमेन्ट अटोमेसन, एपीआई सर्भिसेस अटोमेसन तथा डिजिटाइजेसनको कामहरु पनि यसले गर्दछ ।
