बनेपामा केन्द्रीय कार्यालय रहेको आयाम बचत तथा ऋण सहकारी संस्था लिमिटेडको १२ औं वार्षिक साधारण सभा सम्पन्न भएको छ । सभाबाट संस्थाको अध्यक्षमा नवराज घोरसाईने चयन भएका छन । त्यसैगरी संस्थाको उपाध्यक्ष श्याम थापा, सचिव डम्बरबहादुर लम्साल, कोषाध्यक्षमा सुनिल चौलागाई र सदस्यहरुमा सम्झना थापा, रशिला थापा, देवनारायण तिमल्सिना साथै लेखा तथा सुपरिवेक्षण समितिको संयोजकमा बिनोद बजगाँई, सदस्यहश्रमा अनुमिका पाण्डे, विष्णुप्रसाद नराल निर्वाचित भएका छन ।
संस्थाको आ.व. २०७७७८ कुल शेयर पूँजी १ करोड २५ लाख ५१ हजार र कुल कारोबार १५ करोड ३८ लाख १६ हजार रहेको छ ।संस्थाले गत आबमा ३०५ जना शेयर सदस्यलाई ऋण लगानी गरेको बताएको छ । संस्थाको आ.व. २०७७/७८ मा सम्पत्ती ४५ दशमलब ९३ प्रतिशतले वृद्धि भएको छ ।
साकोसले बनेपा, पाँचखाल र नमोबुद्धबाट आफ्ना शेयर सदस्यहरुलाई सेवा दिदै आएको छ । साधारण सभा असोज १३ गतेदेखि १६ गते सञ्चालन गरिएको थियो ।
संस्थाले सामाजिक उत्तरदायित्व वहन गर्दै विभिन्न क्रियाकलाप सञ्चालन गर्दै आएको छ । सरस्वती पुजाको दिन बाल सदस्यहरुलाई स्टेशनरी सामाग्री वितरण गरेको थियो । संस्थाको बाह्रौ बार्षिक उत्सवको अवसरमा पलाञ्चोक भगवतीको मन्दिर सरसफाई गरि ६ वटा डस्विन उपलब्ध गराएको थियो । गत आर्थिक बर्षमा ३२ जनालाई राहत सुबिधा प्रदान गरेको थियो, मृत्यु राहत २ जनालाई, पारिवारिक मृत्यु समवेदना राहत ५ जनालाई, सदस्य सुत्केरी राहत १२ जनालाई, सदस्य सुत्केरी राहत ९शल्यक्रिया० ५ जनालाई, सदस्य स्वास्थ्य उपचार राहत ५ जनालाई, सदस्य स्वास्थ्य शल्यक्रिया उपचार राहत ३ जनालाई प्रदान गरिएको थियो ।
