कर्मणा बचत तथा ऋण सहकारीले आफ्ना ऋणी सदस्यहरुका लागि छुटको योजना ल्याएको छ । संस्थाले कोरोना भाइरस संक्रमणको दोश्रो लहरले गर्दा करिब ३ महिनाको समयमा सदस्यहरुले आफ्ना व्यापारव्यवसाय र दैनिकीमा समेत असर भोग्नुपरेको अप्ठयारो अवस्थालाई ध्यानमा राखी छुटको व्यवस्था गरेको जनाएको छ ।
त्यस अनुसार नियमित साँवाब्याजको किस्ता तिर्दै आएका ऋणीहरुको लागि २०७८ बैशाख र जेष्ठ महिनाको ब्याज असारमसान्तभित्र तिर्दा थप शुल्क तथा जरिवाना नलाग्ने भएको छ ।
२०७७ चैत्र अगावै ऋण लिई लामो अवधिसम्म ऋणको साँवाब्याज नबुझाएका सदस्य समेतले असार मसान्तभित्र साँवाब्याज बुझाएमा साढे २ महिना अवधिको ब्याजमा १० प्रतिशत छुट दिइने संस्थाले जनाएको छ ।
निषेधाज्ञा खुकुलो भएतापनि कोरोना भाइरसको जोखिम हटिनसकेकोले भौतक दूरी कायम गर्दै स्वास्थ्य मापदण्ड पालना गरी बिहान ८ः३० बजेदेखि कार्यालय सुचारु गरिएको संस्थाका प्रबन्धक रमेश घिमिरेले जानकारी दिए ।
