सिभिल सेभिङ एण्ड क्रेडिट कोअपरेटिभमा बचतकर्ताका रकम हिनामिना गरेको आरोपमा सिभिल ग्रुपका अध्यक्ष इच्छाराज तामाङ पक्राउ परेका छन् ।
नेपाल प्रहरीको केन्द्रीय अनुसन्धान व्यूरोले मंगलबार अपरान्ह तामाङसहित एक दर्जन व्यक्तिहरुलाई पक्राउ गरेको जनाएको छ ।
प्रहरीका अनुसार ७० जना बचतकर्ताले सिभिल सहकारीले ४६ करोड रुपैयाँभन्दा बढी रकम हिनामिना गरेको भन्दै किटानी जाहेरी दिएका छन् ।
मूल रुपमा घरजग्गा कारोबारी तामाङले सिभिल सेभिङ एण्ड क्रेडिट नामक सहकारी खोलेको थिए । सहकारी र घर जग्गा कारोबारमा सफलता पाएपछि उनी सिभिल बैंक बैंक खोलेका तामाङ हाल बैंकका अध्यक्ष रहेका छन् ।
झण्डै दुई वर्षअघिदेखि सिभिल सहकारीका बचतकर्ताले आफ्नो बचत फिर्ता पाउँ भनि हारगुहार गरिरहेका थिए ।
