चालु आर्थिक वर्षको बैशाख मसान्तमा राष्ट्रिय सहकारी बैंकमा २७।०७ प्रतिशत तरलता पुगेको । संस्थाले जारी गरेको अपरिष्कृत वित्तीय विवरण अनुसार हाल बैंकसँग १२ अर्ब ४९ करोड ८२ लाख रुपैयाँ तरलतामा रहेको छ । चैत्र मसान्तसम्म बैंकमा २४।३८ प्रतिशत तरलता कायम थियो । 

बैशाख मसान्तसम्म सहकारी बैंकमा कुल शेयर सदस्यहरुको संख्या १५ हजार ८७३ रहेको छ भने कुल ऋणी सहकारी संघ तथासंस्थाको संख्या २ हजार ५२६ रहेको छ । यस अवधिमा सहकारी बैंकको ऋणीको संख्या बढेको पाइएको छ । चैत मसान्तसम्म उक्त ऋणीको संख्या २ हजार ५१७ रहेको थियो ।

बैंकको शेयरपुँजी २ अर्ब ९४ करोड ३० लाख रुपैयाँ, जगेडा कोषमा एक अर्ब ४ करोड ९९ लाख, कुल बचत ४६ अर्ब १६ करोड ६६ लाख, ऋण लगानी ३३ अर्ब ४२ करोड एक लाख रुपैयाँ रहेको वित्तीय विवरणमा उल्लेख छ । 

बैशाख मसान्तसम्म बैंकको कुल संस्थागत पुँजी एक अर्ब १३ करोड ७१ लाख, विभिन्न कोषको जम्मा रकम ६८ करोड र कुल सम्पत्ति ५४ अर्ब १८ करोड १९ लाख रुपैयाँ रहेको छ ।