काठमाडौं । नक्कली भूटाानी शरणार्थीको ठगी र  भ्रष्टाचारको आरोप लागे  नेकपा एमालेका निलम्बित सचिव टोपबहादुर रायमाझीलाई प्रहरीले आाज पक्राउ गरेको छ । रायमाझी काठमाडौंको बूढानीलकण्ठबाट पक्राउ परेको बताइएको छ ।

रायमाझीका विरुद्ध जिल्ला अदालत काठमाडौंबाटै  पक्राउ पुर्जी जारी भएको थियो । पक्राउ पुर्जी आउँदा उनी अर्घाखाँचीस्थित महेन्द्र विद्यावोध माध्यमिक विद्यालयको हिरक महोत्सव उद्घाटन कार्यक्रममा रहेको बताइएको थियो । त्यहाँबाट काठमाडौं हिँडेका रायमाझी बीचैबाट फरार रहेको बताइएको थियो । 

पूर्ब मन्त्री समेत रहेका रायमाझीले आफु बिमाारी परेको सूचना संसदलाई दिएको कुरा पनि प्रकाशमा आएकाे थियो । उनी केही समय भैरहवामा बसेर काठमाण्डौ आएका उनीमाथि भूटानी शरणार्थीहरुको नक्कली परिचय पत्र बनाएर नेपाालीहरुलाई अमेरिका पठाउने गरेको गम्भीर प्रकारको ठगी र भ्रष्टाचारको आरोप लागेको छ ।