काबुल । यतिबेला तालिबानले काबुललाई चारैतिरबाट घेरेको समाचारहरू बिदेशी समाचार एजेन्सीहरूबाट प्रसारित भइरहेका छन् । राजधानी काबुलको बाहिरी भागमा तालिबान लडाकूहरू आइपुगेपछि सरकारले शान्तिपूर्ण तरिकाले नै सत्ता हस्तान्तरण गर्ने तयारी गरेको बताइदै छ ।
अफगानी कायममुकायम गृहमन्त्रीले एउटा भिडियोमा आएर संक्रमणकालीन सरकार बनाउनका लागि शान्तिपूर्ण सत्ता हस्तान्तरण गरिने बताएका छन् । उक्त भिडियो स्थानीय टोलो टीभीले प्रसारण गरेको छ ।
अर्काेतिर तालिबानका प्रवक्ताले लडाकूहरुलाई उत्सवमा गोली हान्न नदिने बताएका छन् । उनले प्नष्ट भनेका छन् कि अफगान सेनाहरुलाई आफ्नो घर फर्कन अनुमति दिइने छ ।
तालिबानहरूले विमानस्थल र अस्पताल संचालन तथा आपतकालीन आपूर्ति जारी रहने बताएको छ । विदेशी नागरिकहरुलाई पनि के भनिएको छ भने यदि उनीहरु आफ्नो देश फर्कन चाहन्छन् भने उनीहरु फर्कन सक्छन् र यदि उनीहरु अफगानिस्तानमा रहन चाहन्छन्, उनीहरुलाई तालिबानसमक्ष उनीहरूकाे उपस्थिति दर्ता गर्नु पर्नेछ ।
