काठमाडौं ।आजको निर्बाचन आयोगको फैसला अनुसार जनता समाजवादी पार्टी जसपाको आधिकारिकता अध्यक्ष उपेन्द्र यादव समूहले पाएको छ। निर्वाचन आयोगमा जनता समाजबादी पार्टीको केन्द्रिय कार्यकारिणी समितिको प्रत्यक्ष टाउको गनिएको आधारमा अध्यक्ष यादव समूहलाई आधिकारिकता दिएको हो।
आज निर्वाचन आयोगले आधिकारिकता टुंग्याउन जसपाको ५१ सदस्यीय कार्यकारिणी समितिलाई निर्वाचन आयोग बोलाएको थियो।
जसपाका अर्का अध्यक्ष महन्थ ठाकुर समूहमा १६ जना मात्रै उभिए भने यादव समूहको पक्षमा ३४ जनाले सनाखत गरेका थिए।
निलम्बित सांसद रेशम चौधरी तटस्थ बसेका थिए। आयोगले जसपाको आधिकारिकता विवाद निरुपणका लागि इजलास गठन गरी यही साउन ३ देखि ७ गतेसम्म कानूनी बहस सकेर पार्टी एकीकरण हुँदाका समयमा पेश भएका कागजातसहित उपस्थित हुन आदेश दिएको थियो ।
