Monday, 17 May, 2021    |    २०७८ जेष्ठ ३ गते , सोमवार

श्रमजीवीसित : मे दिवसका सन्दर्भमा


२०७८ बैशाख १८ गते , शनिवार प्रकाशित

uploads/media/

मित्रलाल पज्ञानी


निर्धा तिमी छौ नजुटेर मात्रै
ज्वालामुखी भै नफुटेर मात्रै
जुट्यौ भने जब्बर एकतामा
यो लूटसाम्राज्य मिल्यो धुलामा !

जुटाउने सूत्र निकाल मात्रै
त्यो सूत्र लागू गरिहाल मात्रै
हल्लन्छ धर्ती खल डग्मगिन्छन्
सकिन्न भन्नै क–कता पुरिन्छन्

सामर्थ्य आफ्नो नचिनेर मात्रै
आफ्नो र अर्को नबिनेर मात्रै
पापीहरूको चुलिँदो छ थैलो
मच्ची रहेको यति भाँडभैलो

बिग्री रहेको छ यहाँ हिसाप
रोईरहेको छ यहाँ निसाप
चिन्यौ भने धूर्त मनुष्यलाई 
टिक्तैन धेरै तिनको रजाईँ

निर्धा तिमी छौ नजुटेर मात्रै
ज्वालामुखी भै नफुटेर मात्रै
जुट्यौ भने जब्बर एकतामा
यो लूटसाम्राज्य मिल्यो धुलामा !

सम्बन्धित समाचार


Leave a Comment