Tuesday, 02 March, 2021    |    २०७७ फाल्गुन १८ गते , मंगलवार

अमेरिकी अन्तरिक्ष यान पर्सिभअरन्स ७ महिना पछि उत्रियो मंगल ग्रहमा


२०७७ फाल्गुन ७ गते , शुक्रवार प्रकाशित

uploads/media/


आज सबेरै बिहान अमेरिकी पर्सिभिअरन्स अन्तरिक्ष यान पृथ्वीबाट उडेको करीब सात महिनापछि मङ्गल ग्रहको सतहमा अवतरण गरेको छ।


नेपाली समयानुसार  बिहान करिब २ः४० बजे पर्सिभिअरन्स रोभरले मङ्गल ग्रहको सतहमा उत्रिएको  हो।


सफल अवतरणसँगै क्यालिफोर्नियास्थित कन्ट्रोल सेण्टरमा बिश्व प्रसिद्ध अमेरिकी अन्तरिक्ष निकाय नासाका वैज्ञानिकहरूले हर्षोल्लास मनाएका थिए।


खुसी हुँदै “हामीले ग¥यौँ। हामी त्यहाँ पुग्यौँ,“ उनीहरू खुसी हुँदै चिच्याइरहेका थिए। त्यसको लगत्तै रोभरले कैद गरेको तस्बिर सार्वजनिक गरिएको थियो।


सर्फेस मिसन म्यानेजर जेसीका स्याम्युएल्सका अनुसार अब पर्सिभिअरन्सका सबै कुरा सञ्चालन गर्न सकिने अवस्थामा छ/छैन भनेर हेरिने भएको छ।


उक्त रोभरले रातभर आफ्नो ब्याट्री चार्ज गर्ने छ।


यदि उचित वातवारण पाए जीवन ब्युँतिन्छ कि भन्ने प्रश्नको जवाफ पनि त्यहाँ खोजिनेछ ।



यो सन् १९७०को दशकको भाइकीङ् मिसनपछि मङ्गल ग्रहमा जीवनको सम्भावनाबारे अध्ययन गर्ने नासाको सबैभन्दा महत्त्वाकांक्षी परियोजना हो।


त्यसमा एउटा कार जत्रो आकार रहेको अमेरिकी अन्तरिक्ष यानमा जीवावशेष अध्ययन गर्नका लागि आवश्यक पर्ने वैज्ञानिक उपकरणहरू राखिएको बताइएको छ ।


छवटा पाङ्ग्रा भएको उक्त रोभर सात महिनाको यात्रामा ४७ करोड किलोमिटर यात्रा गरेर मङ्गल ग्रहनजिक पुगेको हो।


मङ्गल ग्रहको सतहमा सुरक्षित अवतरण गर्नुलाई यो मिशनको सबैभन्दा कठिन चुनौतीका रूपमा हेरिएको थियो।



पर्सिभिअरन्समा राखिएको इन्जेन्युइटी नाम दिइएको हेलिकप्टरलाई भोलिबाट चलाइने वरिष्ठ वैज्ञानिक तथा हेलिकप्टर परियोजनाकी संयोजक मीमी अङ्गले बताइन।


आगामी ३० दिनमा पाँच वटा उडान भर्ने मिशन तय गरिएको र त्यसले सम्भवतः मङ्गल ग्रहको सतहको उच्च गुणस्तरको तस्बिर उपलब्ध गराउने ठानिएको छ।


एउटा ग्रहमा बसेर अर्कोमा उडान गरिने यो पहिलो फ्लाइट हो।


अर्बौँ वर्ष अघि मङ्गल ग्रहको जेजेरो भनिने स्थानमा एउटा ताल रहेको र त्यसले जीवहरूलाई बाँच्न सहयोग गरेको हुन सक्ने ठानिएको छ।
पर्सिभिअरन्स रोभर मंगल ग्रहको जेजेरो क्रेटरमा नै अवतरण गरेको बताएको छ ।
हालसम्म मङ्गल ग्रहमा १४ मिशनले अवतरण गर्ने प्रयास गरेकोमा आठवटा प्रयास सफल भएका छन्। ती सबै अमेरिकी अभियान हुन्।
अमेरिकी प्रयास एकपटक मात्रै सन् १९९९ मा विफल भएको थियो ।




लोकप्रिय