Friday, 16 April, 2021    |    २०७८ बैशाख ३ गते , शुक्रवार

दुई वर्षभित्र दोहोरो सदस्यता अन्त्य गर्छौ: रजिष्ट्रार पाण्डे


२०७७ फाल्गुन २ गते , आईतवार प्रकाशित

uploads/media/

सहकारी विभागको पहिलो प्राथमिकता कोपोमिस,

पोखरा,

सहकारी विभागका रजिष्ट्रार डा.टोकराज पाण्डेले २ वर्ष भित्र सहकारीमा देखिएको दोहोरो सदस्यता अन्त्य गर्नेे दावी गरेका छन् ।

राष्ट्रिय सहकारी बैंक लिमिटेडले पोखरामा आयोजना गरेको गण्डकी प्रदेश स्तरीय अन्तरक्रिया, सम्मान तथा पुरस्कार वितरण कार्यक्रम उद्घाटनका क्रममा बोल्दै पाण्डेले यस्तो बताएका हुन् ।   

दोहोरो सदस्यता अन्त्यका लागि कोपिमिस सफ्टवेयरको प्रयोग अनिवार्य भएको भन्दै रजिष्ट्रार पाण्डेले २ वर्ष भित्र कोपोमिसका माध्यमबाट दोहोरो सदस्यता अन्त्य गरिने उनले जनाएका हुन् ।

“चालु आर्थिक वर्षमा प्रदेश नं. १ र बागमती प्रदेशका सहकारीहरुको विवरण कोपोमिसमा राख्छौं,” पाण्डेले भने, “अर्को आर्थिक वर्षमा अन्य ५ वटै प्रदेशका सहकारीहरुको विवरण समावेश गरेर दोहोरो सदस्यता अन्त्य गर्छौ ।” कोपोमिसमा सहकारीको डाटा समावेश गर्नका लागि विभागले नै कर्मचारीको व्यवस्था गरेको र  सबै स्थानीय तहमा ती कर्मचारीहरुमार्फत डाटा समावेश गरिने उनले जानकारी दिए । सहकारी विभागका पहिलो प्राथमिकता कोपिमिस भएको उनको भनाई छ ।

दोहोरो सदस्यता अन्त्यका लागि सहकारी अभियानको सहयोग आवश्यक रहेको भन्दै पाण्डेले कार्यान्वयन नगर्नेहरुलाई कानुनी दायरामा ल्याउने चेतावनी दिए । लाइसेन्स नभएको मानिसले गाडी चलाउदा कुनै न कुनै दिन ट्राफिक प्रहरीले फेला पारेर कार्वाही गरे जस्तै नियम विपरित चलेका सहकारीहरु पनि कानुनी दायरामा आउने उनको भनाई थियो । 

कार्यक्रममा गण्डकी प्रदेश सहकारी विभागका रजिष्ट्रार उदय पराजुलीले राज्य र अभियानको सहकार्यमा सहकारीमार्फत समृद्ध समाज निर्माणमा महत्वपूर्ण योगदान पुग्ने गरी काम गर्नु पर्नेमा जोड दिए । 

कार्यक्रममा जिल्ला सहकारी संघ कास्कीका अध्यक्ष सावित्रा कोइराला, पोखरा महानगरपालिका सहकारी समन्वय समितिका अध्यक्ष तेज नारायण अधिकारी, सहकारी म्यानेजर्स क्लव कास्कीका अध्यक्ष डम्बरसिंह बस्नेत लगायतले शुभकामना मन्तव्य व्यक्त गरेका थिए ।

अन्तरक्रिया कार्यक्रममा सहकारी विभागका रजिष्ट्रार डा.टोकराज पाण्डेले ‘सहकारी विकास र सुशासन’, राष्ट्रिय सहकारी बैंकका प्रमुख कार्यकारी अधिकृत बद्रीकुमार गुरागाईंले ‘सहकारीको समसामयिक अवस्था र अभियानको भूमिका’ तथा बैंकका डिजिएम किशोर प्रसाद बिमलीले ‘परफरमेन्स एण्ड फाइनान्सियल म्यानेजमेण्ट” सम्बन्धी विषयमा प्रस्तुतिकरण दिएका थिए । तीन वटै अवधारणापत्र माथि सहकारीकर्मीहरुले विभिन्न सुझाव राख्दै सहकारी अभियानलाई मुलुकको समृद्धिसँग जोड्नका लागि आवश्यक नीति नियमहरुमा सुधार गरी अगाडि बढ्नु पर्ने बताएका थिए  ।  

कार्यक्रम राष्ट्रिय सहकारी बैंकका अध्यक्ष के.बी. उप्रेतीको अध्यक्षता र सञ्चालक तथा गण्डकी प्रदेशका संयोजक राम बहादुर जिसीको सञ्चालनमा सम्पन्न भएको थियो ।


गण्डकी प्रदेशका ११ संस्था पुरस्कृत

राष्ट्रिय सहकारी बैंकमा गत आर्थिक वर्षमा उत्कृष्ट कारोबार गर्ने गण्डकी प्रदेशका ११ वटा सहकारी संस्थाहरुलाई पुरस्कृत गरिएको छ ।

बैंकमा कारोबार गरी बचत तथा ऋण बाहेकका संस्था मध्ये राष्ट्रिय स्तरमा उत्कष्ट हुने पृथ्वी बहुउद्देश्यीय सहकारी संस्था कास्की, प्रदेश स्तरमा उत्कृष्ट बचत तथा ऋण तर्फको परोपकार वचत तथा ऋण सहकारी संस्था देवचुली नवलपुर र बचत तथा ऋण बाहेकको काहुँ देउराली बहुउद्देश्यीय सहकारी संस्था कास्कीलाई पुरस्कृत गरिएको थियो । 

यस्तै शाखा स्तरमा नियमित र उत्कृष्ट कारोबार गर्ने ८ वटा संस्थाहरुलाई पनि पुरस्कृत गरिएको थियो । 

शाखा स्तरमा पोखरा शाखा अन्तरगत अलकापुर वचत तथा ऋण सहकारी संस्थालाई उत्कृष्ट र लेखनाथ सामुदायिक वचत तथा ऋण सहकारी संस्थालाई नियिमत कारोबार तर्फ, बागलुङ शाखामा कारोबार गर्ने बागलुङ बहुउद्देश्यीय सहकारी संस्थालाई उत्कृष्ट र बागलुङ दुग्ध उत्पादक सहकारी संघलाई नियमिततर्फ पुरस्कृत गरिएको थियो । 

यसैगरी दमौली शाखामा उत्कृष्ट कारोबार गर्ने तिनखोले बचत तथा ऋण सहकारी संस्था र नियमिततर्फ मादीसेती बचत तथा ऋण सहकारी संस्था, कावासोती शाखामा उत्कृष्ट कारोबार गर्ने किसान वचत तथा ऋण सहकारी संस्था र नियमिततर्फ महाराजा वचत तथा ऋण सहकारी संस्थालाई पुरस्कृत गरिएको बैंकका सञ्चालक तथा गण्डकी प्रदेशका संयोजक राम बहादुर जिसीले जानकारी दिए ।

 


लोकप्रिय


    Warning: Invalid argument supplied for foreach() in /home/nepalpatranews34/public_html/files/single-content.php on line 86
uploads/media/img-4.gif

सम्बन्धित समाचार


Leave a Comment